Coa chegada do Entroido, no noso colexio vivimos unha xornada chea de cor, música, alegría e diversión. Seguindo a temática do proxecto deste curso, “Melodías sen fronteiras”, o alumnado participou na celebración lucindo disfraces inspirados no mundo da música e nas diferentes culturas e tradicións musicais do mundo.
Como parte da festa, realizamos un pequeno desfile arredor do colexio, no que puidemos mostrar os nosos disfraces e compartir este momento tan especial coa comunidade educativa. Durante toda a xornada reinou un ambiente festivo, de convivencia e entusiasmo, no que gozamos de diferentes actividades e momentos de lecer.
Grazas a esta celebración, tivemos a oportunidade de expresar a nosa creatividade, participar en actividades colectivas e desfrutar dunha das festas máis tradicionais e agardadas do ano, pasándoo moi ben en compañía dos nosos compañeiros e compañeiras.
Ningún comentario:
Publicar un comentario