"21 de decembro"

O 21 de decembro foi un día máxico no cole!!

Divertímonos no Festival que grazas á colaboración de todo o Centro, e, en especial de Iago, Roberto e Marta, foi marabilloso.

Non podía faltar a visita de Papá Noel.

Tróuxonos chocolates, caramelos, e, sobre todo moita ilusión!

Tanto a pequenos

Como a maiores.

Este ano por primeira vez, e, espéremos que non sexa a última visitounos o Apalpador

Estivo toda a mañá connosco repartindo libros, e, contándonos como era a súa vida na montaña.

"Festival de Inverno"

Está todo preparado para celebrar o “Festival de Inverno” no cole.

O noso Apalpador xa está ocupando un espazo de honra na entrada dos cativos. 

Como podedes ver, despois de pasar polas mans de Roberto, quedou impresionante!!! 

A semana foi “a tope” de ensaios para que todo saia ben.

Traballou todo o cole arreo, engalanando os corredores con murais...

Portas con todo tipo de motivos…

Árbores...

Beléns de plastilina

Ou aproveitando os envases de plástico!

"Chega o Nadal!"

Empezamos cos preparativos do Nadal!

Este ano queremos salientar a figura do noso Papá Noel galego: o Apalpador.
O ' Apalpador' vive na montaña, dedicado a facer carbón. É un xigante que usa boina, unha chaqueta vella e  remendada, fuma en pipa e aliméntase con bagas salvaxes e da carne de xabaril que caza no monte.

Podedes coñecer neste vídeo a súa historia contada polo alumnado de 5º curso do CEIP Nosa Sra de Xuvencos.
.

No cole ímolo ter por todas partes e en distintas versións…

Os máis cativos incluírono na súa árbore de Nadal.

Os maiores están a pintar o que debuxou o profe Roberto para os cativos.

Moitas grazas Roberto!!

Aquí vos deixamos unha preciosa cantiga de Mamá Cabra deste mítico personaxe, que ademais, está en linguaxe de signos.

Os corredores estanse a engalanar con árbores, paisaxes de Nadal…

Trasnos...

E, as portas non quedan atrás!

"Máis de cogomelos"

E seguimos a voltas cos cogomelos!

As pequechas e pequechos de 6º EI tiñan previsto unha xornada micolóxica interesantísima.

O primeiro sería escoitar unha charla de introdución impartida por un membro da Asociación Brincabois, neste caso Amancio.

Como podedes ver escoitaron con moita atención.

Despois prevíase unha pequena saída á Illa do Covo a recoller cogomelos cos que facer unha exposición.

Xa estaba todo preparado pero…chafouse o día! A choiva fixo imposible  a saída e quedaron coas ganas.

Que mágoa!! O próximo ano haberá máis sorte!

"Revitaliza"

Ao longo da pasada semana todo o cole estivo a traballar arredor da compostaxe.

Na biblioteca puidemos atopar unha selección de bibliografía relacionada co tema.

Títulos tan atractivos como estes.  

Un mestre composteiro veunos dar unha charla para logo levar á práctica o aprendido. 

Aprendemos moitas cousas sobre a compostaxe. Xa sabemos que é o compost, para que serve un composteiro, quen se encarga da descomposición dos restos da comida… e, moito máis.
Como vedes estivemos moi atentos!