Para despedir o curso, no noso colexio realizamos diferentes actividades por niveis co obxectivo de celebrar o final dunha etapa chea de aprendizaxes e experiencias compartidas. Ao longo destes días, cada curso participou en propostas variadas e moi especiais que nos permitiron gozar, convivir e aprender fóra das aulas.
Entre estas actividades, destacaron a práctica de dragon boat no río Lérez, unha experiencia emocionante e diferente na que traballamos o espírito de equipo, e a visita ao Museo Etnográfico Casa do Patrón, onde puidemos achegarnos ás tradicións e ao modo de vida doutros tempos.
Ademais, tamén foi un momento moi emotivo, xa que tocou despedir ao alumnado de 6º de Educación Primaria cunha fermosa graduación, na que se recoñeceu o seu esforzo, o seu crecemento persoal e todos os anos compartidos no centro.
Grazas a estas actividades de final de curso, vivimos uns días moi especiais nos que reforzamos a convivencia, o traballo en equipo e a ilusión por aprender, pechando o curso cunha experiencia moi positiva e enriquecedora.
