Durante a celebración do Magosto no noso colexio, levamos a cabo diferentes actividades para compartir e valorar unha das tradicións máis representativas do outono galego. Participamos en diversos xogos tradicionais, cos que nos divertimos ao tempo que coñeciamos mellor os costumes populares da nosa terra. Tamén preparamos receitas relacionadas coas castañas e os produtos típicos desta época do ano, desenvolvendo a nosa creatividade e traballando en equipo. Para rematar a xornada, reunímonos no patio para degustar unhas saborosas castañas asadas, preparadas polo castañeiro, nun ambiente de convivencia e celebración. Foi unha experiencia moi enriquecedora que nos permitiu gozar das nosas tradicións dun xeito participativo e divertido.
Ningún comentario:
Publicar un comentario