O alumnado de 2º de Educación Primaria realizou unha actividade moi especial de intercambio de cartas en lingua galega co alumnado do CEIP Virxe da Barca de Muxía, co obxectivo de fomentar o uso e o valor da nosa lingua.
A través desta experiencia, os nenos e nenas escribiron e recibiron cartas nas que se presentaban, compartían vivencias do seu día a día e expresaban as súas ideas e intereses. Este intercambio permitiulles practicar a expresión escrita en galego dun xeito significativo, ao tempo que estableceron vínculos con outro centro educativo.
Grazas a esta iniciativa, o alumnado gozou dunha actividade motivadora e enriquecedora que contribuíu a fortalecer o uso da lingua galega e a promover a comunicación entre centros.
Ningún comentario:
Publicar un comentario